ས་ཡི་སྙིང་པོའི་མདོ་ལས།
࿑ ལས་ཀྱི་ནུས་པ་ནི་ཤིན་ཏུ་ཆེ་བའི་ཕྱིར་རི་རབ་ལས་ཀྱང་དཔངས་མཐོ་བ་དང་། རྒྱ་མཚོ་ལས་ཀྱང་གཏིང་ཟབ་པ་དང་། འཕགས་པའི་ལམ་རྣམས་ཀྱང་སྒྲིབ་པར་བྱས་པས་ན། སེམས་ཅན་རྣམས་ཀྱིས་ལས་ཆུང་ངུས་ཀྱང་མི་གནོད་སྙམ་དུ་སེམས་པར་མི་བྱ་སྟེ། ཤི་བའི་རྗེས་སུ་སྐྲ་ཉག་མ་ཙམ་ཡང་ཆུད་ཟོས་མེད་པར་ལས་ཀྱི་རྣམ་པར་སྨིན་པ་ཉམས་སུ་མྱོང་བར་འགྱུར་རོ།། 
《地藏经》：

    业力甚大，能敌须弥，能深巨海，能障圣道。是故众生莫轻小恶，以为无罪，死后有报，纤毫受之。

#佛教[超话]#

࿑ རྩོམ་པ་པོའི་མཚན་ལ་བསྔགས་པ།

ཤེས༵་བྱའི་གནས་ལ་མཁྱེན་པ་རྒྱས།།
རབ༵་བྱུང་འདུལ་འཛིན་སྐུ་ན་ཕྲ།།
མཆོག༵་གྱུར་རང་ལུགས་གཞུང་ལ་མཁས།།
གཟུར་གནས་བློ་ལྡན༵་བསྟན་པའི་རྒྱན།།

ཤེས༵་རབ་མཚུངས་པ་མེད་པ་ཡིས།།
རབ༵་འབྱམས་གཞུང་ལུགས་ཐུགས་སུ་ཆུད།།
མཆོག༵་གི་དངོས་གྲུབ་ཕྱག་ཆེན་དོན།།
རྟོགས་པའི་ཡེ་ཤེས་ཁྱེད་ལ་ལྡན༵།།

ཤེས༵་དང་ཤེས་བྱའི་དོན་དམ་གནས་ལུགས་དོན།།
རབ༵་དང་ཕུལ་བྱུང་ཤེར་ཕྱིན་གཞུང་ལུགས་ལ།།
མཆོག༵་ཟུང་གཉིས་ལས་ཤཱ་རིའི་བུ་ཇི་བཞིན།།
མཁྱེན་པའི་རྣམ་དཔྱོད་ལྡན༵་པ་ཁྱེད་ལ་བསྟོད།།

ཅེས་འགྲོ་མགོན་ཀརྨ་བཀའ་བརྒྱུད་པའི་གདན་ས་ཆེན་པོ་མཛོད་རྩེ་དགོན་པའི་བཙུན་ཆུང་དགུང་ལོ་ཉེར་གཉིས་ལ་སོན་པའི་རྣམ་དཔྱོད་ཅན་ཤེས་རབ་མཆོག་ལྡན་ལགས་ཀྱིས་ཤེར་ཕྱིན་མངོན་རྟོགས་རྒྱན་ཕྱག་ཆེན་གྱི་མན་ངག་དང་སྦྱར་བའི་འགྲེལ་བ་ལུང་རིགས་མན་ངག་གི་གཏེར་མཛོད་ཅེས་བྱ་བའི་འགྲེལ་ཆེན་པོད་བཞི་བརྩམས་མཛད་པ་ལ་ངོ་མཚར་དང་དད་གུས་ཆེན་པོ་སྐྱེས་ཤིང་། དགའ་སྤྲོ་དང་ཡི་རངས་བརྟས་ཏེ་རྩོམ་པ་པོའི་མཚན་ལ་བསྟོད་པ་ཚིགས་སུ་བཅད་པ་གསུམ་གྱིས་མཆོད་སྤྲིན་འབུལ་བ་ལགས་ན་ཐུགས་དགྱེས་པ་དང་གསུང་གི་མཛད་འཕྲིན་ཡར་ངོའི་ཟླ་ལྟར་འཕེལ་བའི་དགེ་ལེགས་སུ་གྱུར་ཅིག།

࿑མ་ནོར་ལམ་སྟོན་བཤེས་གཉེན་ཚུལ་བཞིན་བསྟེན།།
དལ་འབྱོར་དོན་ཆེ་རྙེད་དཀའ་འཇིག་སླ་བསམ།།
ཚ་གྲང་བཀྲེས་སོགས་ངན་འགྲོའི་སྡུག་བསྔལ་དྲན།།
དཀོན་མཆོག་སྐྱབས་འགྲོ་སྡིག་སྤོང་དགེ་བ་བསྒྲུབ།།

如法依止指引正道师，

暇满人身得难思易失，

常想恶道寒热饥等苦，

皈依三宝弃恶修善行，

周 https://t.cn/EAzUtM5