ཁ་བའི་འདབ་མ་ནང་སེམས་ཀྱི་སྤང་ཐང་ལ་འཁོར་བའི་དུས་ཚིགས་འདིར།
ལས་སྐལ་གྱི་གཤེ་གཤེ་ཡིས་གཅར་བའི་འུ་གཉིས་ཀྱིས་གཞུང་རིང་བའི་མཉམ་འཛོམས་ཀྱི་ཧམ་སེམས་ས་རུ་འཇོག་སྟངས་འདི།
སྡོང་ལོ་ས་རུ་འཐོར་བའི་དེ་དུས་ཀྱི་སྟོན་གཞུང་ཞིག་ལ།
ངང་རིང་བའི་སེམས་པ་གཉིས་གཞི་གཅིག་ཏུ་འདྲེས་པ་ལས་ཀྱང་སྙིང་དུ་སྡུག་ཨང་སྙིང་ཉེ།
[鲜花] https://t.cn/R2WxDzr

དཀར་སྐྱོང་བྱེད་པ་ལ་ཡང་གནད་འགག་ཅིག་འདུགརྒྱ་གར་ལ་ཆ་བཞག་ན་ང་ཚོའི་དགོན་པ་གཙོ་ཆེ་བ་ཚང་མའི་སྤྱི་ཐབ་ནང་དཀར་སྐྱོང་བྱེད་ཀྱི་ཡོད། སྒེར་སོ་སོའི་གནས་ཚུལ་ཁག་ཁག་རེད། 
    མི་ཚང་མས་ཤ་སྤང་དགོས། དཀར་སྐྱོང་བསྟེན་ཞེས་བཤད་ཐུབ་རྒྱུ་ཧ་ཅང་ཁག་པོ་རེད། འདུལ་བའི་ནང་ལ་ཆ་བཞག་ན་ཡང་བཅོམ་ལྡན་འདས་ཀྱིས་མདོ་འགའ་ཤས་ནང་ཤ་བྱེ་བྲག་པ་བཀག་པ་མ་བཏོགས་ཤ་སྤྱི་བཀག་མེད། སྤྱི་ཡོངས་ཀྱི་གནས་ཚུལ་ཁག་ཁག་རེད། 
    དེང་སང་དགོན་པའི་སྒྲིག་འཛུགས་ཀྱིས་དགོན་པ་མང་པོ་ཞིག་གིས་དཀར་སྐྱོང་ངམ་དཀར་ཟས་བསྟེན་གྱི་འདུག་པ་ཧ་ཅང་ཡག་པོ་རེད། དེ་བཞིན་དུས་མཆོད་བྱེད་སྐབས་སྲོག་ཆགས་མང་པོའི་སྲོག་འགྲོ་ན་རྩ་ནས་ཡག་པོ་མེད་པས་དཀར་སྐྱོང་བྱས་པ་ལེགས། 
    སྒེར་སོ་སོ་སྒེར་གྱི་འཕྲོད་བསྟེན་དང་དངོས་ཡོད་གནས་ཚུལ་དེ་འདྲའི་ཐོག་ནས་གནས་ཚུལ་ཁག་ཁག་རེད། ཡང་ཟས་དཀར་སྐྱོང་བྱེད་དགོས།སྲོག་གཅོད་སྤང་དགོས་ཞེས་བཤད་ཀྱང་། བོད་ཀྱི་འབྲོག་པའི་ས་ཁུལ་ཚོར་ལོ་སྟོང་ཕྲག་རིང་གི་གོམས་གཤིས་ཤིག་དང་འགྲོ་སྟངས་ཤིག་ཡོད། བར་སྐབས་དེ་དག་ལ་དོ་ཕོག་འགྲོ་ཡི་ཡོད་པ་གོ་རྒྱུ་འདུག 
    རྩ་བའི་ལྷག་བསམ་གྱིས་བྱེད་ཀྱི་ཡོད་ཀྱང་། སོ་སོས་སེམས་ཅན་མ་བསད་པར། སེམས་ཅན་རྣམས་བཤས་པ་ལ་བཙོང་། བོད་རིགས་མིན་པའི་བཤས་པ་དེ་ཚོའི་རིགས་ལ་སྙིང་རྗེ་མེད་པས།སེམས་ཅན་ཉོས་ནས་བཤས་ར་ལ་ཁྲིད་སྐབས་ཧ་ལས་པའི་སྡུག་པོ་བཏང་བའི་འགྲེལ་བཤད་ཉན་ན་ཡང་མི་བཟོད་པ་ལྟ་བུ་ཞིག་འདུག རྐང་ལག་བཅག་ནས་དོས་སྐྱེལ་རླངས་འཁོར་གྱི་ནང་ལ་བཞག་དུས་ཁུམ་ནས་མ་གཏོགས་སྡོད་མི་ཐུབ་པས།དེའི་སྒང་ལ་ཡང་མང་ཙམ་ཆུད་ཐུབ་པ་དང་།སེམས་ཅན་གྱིས་ལྡད་རྒྱག་པ་དེས་ཤེད་མོ་ལ་གནོད་ཀྱི་ཡོད་པས། ལྕེ་ལ་གཟེར་ཁ་བརྒྱབ་ནས་ལྡད་རྒྱག་རྒྱུ་མེད་པ་བཟོ་བ་སོགས། ཧ་ལས་པའི་སྡུག་སྦྱོང་གཏོང་གི་ཡོད་པ་གོ་རྒྱུ་འདུག དངུལ་མེད་ཐབས་མེད་དུས་སེམས་ཅན་ཕམ་ཚོང་བརྒྱབ་ནས། ས་ཆ་ཁ་ཤས་ལ་དཀའ་ངལ་འཕྲད་ཀྱི་འདུག 
    ལོ་སྟོང་ཕྲག་རིང་གི་འབྲོག་ས་ཚོ་ལ་དེ་ག་དེ་གའི་འགྲོ་སྟངས་ཤིག་ཡོད་པ་རེད། སྙིང་རྗེ་རྩ་བ་ནས་མེད་པའི་མིས་སྲོག་བཅད་པ་ལས། སྙིང་རྗེ་ཡོད་པའི་མིས་འགྱོད་པ་དང་བཅས་ཏེ་མ་ཎི་འདྲ་བགྲང་། མཆོད་མེ་འདྲ་ཕུལ། བྱིན་རྟེན་འདྲ་སྤྲད་པའི་ཐོག་ནས་སྲོག་བཅད་པ་ཡིན་ན་ཡང་ལྟོས་ས་ལྟོས་འཇོག་གིས་ཏོག་ཙམ་དྲག་གི་རེད། གང་ལྟར་རེ་ཟུང་མ་གཏོགས་བརྒྱ་ཕྲག་སྟོང་ཕྲག་བྱས་ནས་གསོད་ཀྱི་མེད། དེའི་རིགས་མཐའ་གཉིས་སུ་མ་ལྷུང་བ་བྱ་རྒྱུ་གལ་ཆེན་པོ་རེད། 
    ཡང་འབྲོག་ས་ཡུལ་ལ་སྤོས། སེམས་ཅན་ཕམ་ཚོང་བརྒྱབ་ནས་བཤས་པ་ལ་བཙོང་། སེམས་ཅན་ཚོས་ཀྱང་ཧ་ལས་པའི་སྡུག་པོ་ཞིག་མྱངས། འབྲོག་པ་ཚོ་ཡང་འཚོ་རྟེན་མེད་པ་ཆགས་པའི་གནས་ཚུལ་ཁ་ཤས་གོ་སོང་། དེས་ཁོར་ཡུག་ལ་ཡང་གནོད་ཀྱི་ཡོད་པས། གནད་དོན་དེ་དག་ལ་བསམ་བློ་གཏོང་དགོས།།

#带着边框一起拍#

#微博[超话]# ࿐ཤེས་བྱའི་རྣམ་གྲངས་མུན་སེལ་སྒྲོན་མེ། ༼བཅུ་དགུའི་ཚན་པ་རྫོགས། ཉི་ཤུའི་ཚན་པ་འགོ་བརྩམས།༽
ཞོགས་ཇ་འཐུང་ཞོར་ལ་ཤེས་ཡོན་སྦྱོང་བ།
知识门类引路灯 (十九类完，二十类开始）