孙慧雪遭网上性骚扰　最惨系老公冇反应

艺人孙慧雪下星期将投入电影拍摄工作，于《爱还记得》内要再次穿上校服，难怪她笑言近日忙于做运动Keep Fit。回想起自己的求学时期，阿雪腼腆表示：“当时我放学迟5分钟返屋企，嫲嫲就会周围打电话搵我，试过打匀全班，搞到我好瘀！”

她又指近日受网上性骚扰：“我喺社交网出post，即使衣着唔性感，啲人留言都好露骨，我都讲唔出口。我同老公投诉，佢好似冇乜反应咁，所以我嬲到寻日留言话自己平日啲相呃人嘅，大家唔好再对我有幻想喇。（报警备案？）咁又唔使咁夸张，我依家畀少少提示，再过份就Block佢哋，希望大家日后自律。”

古天乐避谈《声梦》　姚焯菲：佢系保护我哋！

TVB歌唱节目《声梦传奇》学员姚焯菲（Chantel）和何晋乐（Rock）到铜锣湾与粉丝见面，歌迷逼满3层商场，相当墟冚！他们指早前目击《声梦》舞台拆卸，大感不舍，争相拍照留念。

谈到昨日（30日）与前辈古天乐同场，对方拒绝回应有关《声梦》问题，于网上广泛流传，不过Chantel和Rock坦言不介意，Chantel说：“佢咁做都系保护我哋，因为大家唔系接触得好多，佢可能惊讲错嘢。（想合作？）想，但点都要做好眼前嘅演唱会先，其他嘢迟啲先算。”

Rock则谓：“古生系我哋嘅前辈，相信大家都好想同佢合作。（全城热话都冇唔开心？）佢都冇讲啲乜嘢，体会嘅嘢见仁见智，我觉得古生同我哋同台合照都好开心。（有倾偈？）咁多传媒朋友围住佢，点埋到身呀？”

希望有自己作品
谈到演唱会准备，Rock预告会有不同学员组合，相信届时听歌之馀观众亦有舞睇。问到他何有甚么撒手锏，他说：“会唱番自己最擅长嘅抒情歌。”而他们都希望自己能够有属于个人的新歌推出。

【【聲夢傳奇】演唱會爆滿 炎明熹欠下飛債：大家夾埋得幾十張】《聲夢傳奇》眾學員包括#炎明熹# 、#姚焯菲# 、鍾柔美等在尖沙咀出席活動。他們將於旺角麥花臣舉行《聲‧夢飛行 FIRST LIVE ON STAGE》演唱會，加開至三場後仍然爆滿。炎明熹受訪時表示，自己好開心，但亦因此欠下飛債：「很多朋友都問我取門票，我不好意思說沒有，但我哋自己都冇乜飛，好似大家夾埋得幾十張。」