གྲུབ་བརྒྱའི་གཙུག་རྒྱན་མི་ལ་རས་པ་སྟེ།། བྱང་ཕྱོགས་གངས་ལ་ཉི་མ་ཤར་བ་བཞིན།། འབྱུང་བའི་བྱ་ཚོགས་སྤྱོད་ཡུལ་ག་ལའང་།། རང་དགར་སྨྲ་ཡི་ཁ་ལ་ཐལ་བས་རྒྱོབས།། ཚིག་གི་གདོང་ལ་མཆེད་པའི་གཏི་ཡི་མུག། མི་ཡི་གསོབ་ལ་བོང་བུའི་འདུ་ཤེས་ཅན།། དངོས་མིང་སྨྲོས་ལ་གཟུགས་ཀྱང་བསྟན་ནས་ཀྱང་།། ལུང་རིགས་གཡུལ་དུ་ཞུགས་དང་ལྟད་མོ་ཡོད།། གཤེ་སྐུར་སྡིག་མོ་ནགས་ཀྱི་ཁྭ་ཏའི་མཆུ།། མི་གཙང་འདམ་ལ་བརྒྱུས་ནས་གང་སར་བྱུག། དཔྱད་གསུམ་རྔོན་པའི་འཕྲུལ་གྱི་མདའ་གཞུའི་སྟོབས།། མངོན་པར་བསྒྱུར་ན་དོན་མེད་ཚང་དུ་འཛུལ།། — ཞེས་པ་འདི་ཡང་གུས་པ་མི་ཕྱེད་སྙིང་ནས་དད་པ་ཐོབ་པའི་གྲུབ་བརྒྱའི་རྩེ་མོ་སྟེ། བྱང་ཕྱོགས་ཁ་བ་ཅན་གྱི་ལྗོངས་ན་གངས་མ་ཉི་མ་ཤར་བ་ལྟ་བུའི་དཔའ་བོའི་དཔའ་བོར་གྱུར་པ་རྗེ་བཙུན་མི་ལ་རས་པའི་རྣམ་ཐར་ཡིག་རྙིང་གང་ཡོད་ལ་སྔར་ཞིབ་ཏུ་མཇལ་བའི་སྤོབས་པ་ཐོབ་ཅིང་། རྗེ་བཙུན་གང་གི་འཁྲུངས་གཞིས་སོགས་ལ་ཞིབ་ཏུ་ཡུལ་དངོས་བརྟག་དཔྱད་ཀྱིས་འདྲིས་ཆ་ཆེ་བའི་བན་ཤུལ་སྐྱེས་མིང་པས་ཟོག་ངུར་རྣམས་ཀྱི་ཁ་དང་མིག་གི་རྒྱན་དུ་ཕུལ་བ་དགེའོ།། [拥抱][咖啡]

ལོ་མང་ཞིག་གི་རྗེས་སུ་བཤད་ན། སྔོན་གྱི་ལང་ཚོ་ནི་ད་ལྟ་རྒས་ཟིན་ལ། སླར་ལོ་མང་ཞིག་གི་རྗེས་སུ་བཤད་ན། སྔོན་གྱི་གསོན་པ་ནི་ད་ལྟ་ཤི་ཟིན་པའོ། འཁོར་བ་འདིར་ལམ་དུ་སོང་ཡང་དེ་ལས་མ་འདས་སོ། བླ་མ་གསེར་མདོག་སྤྲུལ་སྐུ་ནས་གདམས་སོ།
多年過後，話說：
以前的青春年華現在已老了，
再過多年後，話說：
以前的活著現在已死亡了，
在輪迴的成功也不過如此。

上師 仙多祖古仁波切 教言



སྙིང་རྗེ་ཆེན་པོས་རྩོད་ལྡན་སྙིགས་མའི་ཞིང་། །
བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ། །པད་དཀར་ལྟར་བསྔགས་མཚན་ཐོས་ཕྱིར་མི་ལྡོག །སྟོན་པ་ཐུགས་རྗེ་ཅན་ལ་ཕྱག་འཚལ་ལོ། །
བདག་གཞན་སྒོ་གསུམ་དགེ་ཚོགས་ལོངས་སྤྱོད་བཅས། །ཀུན་བཟང་མཆོད་པའི་སྤྲིན་དུ་དམིགས་ནས་འབུལ། །ཐོག་མེད་ནས་བསགས་སྡིག་ལྟུང་མ་ལུས་པ། །སྙིང་ནས་འགྱོད་པ་དྲག་པོས་སོ་སོར་བཤགས། །
འཕགས་དང་སོ་སོའི་སྐྱེ་བོའི་དགེ་བ་ནི། །དུས་གསུམ་བསགས་ལ་རྗེས་སུ་ཡི་རང་ངོ་། །ཟབ་ཅིང་རྒྱ་ཆེ་ཆོས་ཀྱི་འཁོར་ལོའི་ཚུལ། །ཕྱོགས་བཅུར་རྒྱུན་མི་འཆད་པར་བསྐོར་དུ་གསོལ། །
ཁྱེད་ནི་ནམ་མཁའ་ལྟ་བུའི་ཡེ་ཤེས་སྐུ། །དུས་གསུམ་འཕོ་འགྱུར་མེད་པར་བཞུགས་མོད་ཀྱི། །གདུལ་བྱའི་སྣང་ངོར་སྐྱེ་འཇིག་ཚུལ་སྟོན་ཀྱང་། །སྤྲུལ་པའི་གཟུགས་སྐུ་རྟག་ཏུ་སྣང་བར་མཛོད། །



གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ།།
ས་ཆེན་འདི་ལ་གོམ་པ་བདུན་བོར་ནས།།ང་ནི་འཇིག་རྟེན་འདི་ན་མཆོག་ཅེས་གསུངས།།དེ་ཚེ་མཁས་པ་ཁྱོད་ལ་ཕྱག་འཚལ་ལོ།
།ཟླ་བ་བཅུ་རྗོགས་ཤཱཀྱའི་སྲས་པོ་དེ།།བཀྲ་ཤིས་ལུམྦུའི་ཚལ་དུ་བལྟམས་པའི་ཚེ།།ཚངས་དང་བརྒྱ་བྱིན་གྱིས་བསྟོད་མཚན་མཆོག་གིས།།བྱང་ཆུབ་རིགས་སུ་ངེས་མཛད་ཕྱགས་འཚལ་ལོ།།


ཐབས་མཁས་ཐུགས་རྗེས་ཤཱཀྱའི་རིགས་སུ་འཁྲུངས།།

གཞན་གྱིས་མི་ཐུབ་བདུད་ཀྱི་དཔུང་འཇོམས་པ།།

གསེར་གྱི་ལྷུན་པོ་ལྟ་བུར་བརྗིདཔའི་སྐུ།།

ཤཱཀྱའི་རྒྱལ་པོ་ཁྱེད་ལ་ཕྱག་འཚལ་ལོ། https://t.cn/R2Wx1bc