༄༅།། ངེས་དོན་ཟུང་འཇུག་ནོར་བུའི་བ་གམ་མཐོ།།

ལྷུན་གྲུབ་སྒྱུ་འཕྲུལ་ཆུ་འཛིན་གདེངས་ཀས་བརྗིད།།
འདོད་དགུ་ རིན་ཆེན་ ཆར་རྒྱུན་འཇོ་བ་ཡི།།
དཔལ་ལྡན་བླ་མའི་ཞབས་པད་སྤྱི་བོས་མཆོད།།
ཅེས་མདོ་བ་རིན་པོ་ཆེ་བློ་བཟང་མཁས་གྲུབ་རྒྱ་མཚོའི་ཞལ་ནས། https://t.cn/A6c3eq1z

ཕུགས་བསམ།

                         —ཁྱུང་སྨུག་ལོང་།

རེ་བའི་མེ་ཏོག་གི་མཆོད་རྫས་འབུལ་སའི་དད་ཡུལ་གྱི་ལྷ་མཆོག
ངལ་རྩོལ་བྱེ་བ་ཡི་རྔུལ་ཆུ་འཐོར་སའི་དཔྱིད་དུས་ཀྱི་ཞིང་ས་གཤིན་པོ
རྨི་ལམ་དུའང་དྲན་གདུང་གི་གླུ་ཆུང་འགུག་སའི་རེ་བའི་གར་སྟེགས

རྒོད་པོ་ཚོས་འགྲོ་ལམ་རླུང་གིས་བཀག་ཀྱང
གཤོག་ཟུང་གི་བར་སྣང་གཅོད་བཞིན་ཁྱེད་ཉིད་འཚོལ་བཞིན་ཡོད་ལ
གཞོན་པ་ཚོས་དཀའ་སྡུག་སྟོང་ཕྲག་གི་ཆུ་འཛིན་འཁྲིགས་ཀྱང
རེ་སྒུག་ངང་ཁྱེད་ལ་འཐམ་གྱིན་ཡོད

ཁྱེད་ནི་རྒས་འཁོགས་ཚོའི་རེ་བའི་ལ་རྩེ་རུ་བསྒྲངས་བའི་དར་ལྕོག་ཟད་པོ་དེ་ཡིན་ལ
ན་གཞོན་ཚོའི་སྣང་བའི་རི་གྲོང་ལ་སྐྱེས་པའི་དཔྱིད་ཀྱི་དཔལ་ཡོན་དེ་ཡིན

                                         ༢༠༢༤•༣•༢༦ ལ།

#. བདེན་པའི་གཏམ་དུ་མོས།

མ་བཅོས་སེམས་ཀྱི་རི་མོ།།
ཕྱི་ཡི་ཡི་གེར་ཕབ་ན།།
ལྟ་མཁན་སེམས་ཀྱི་ངོགས་སུ།།
མི་ཚུགས་བདེ་བ་བསྐྲུན་ངེས།།

ཨེ་མ་དགའ་བའི་གླུ་དབྱངས།།
གདུང་འབོད་སྐྱོ་གར་སྐྱོ་ངག།
དགའ་སྡུག་སྤེལ་མའི་གཟུགས་རིས།།
སྐྱ་ཤོག་ངོས་སུ་བྲིས་སོང་།།