རེད་རེད།
སྐད་ཆ་དེ་ནི་ཆེས་སྤྱིར་བཏང་གི་སྐད་ཆ་ཞིག་རེད་ལ།
སྔོན་ཆད་ཐེངས་དུ་མར་གོ་མྱོང་བའི་སྐད་ཆ་ཞིག་ཀྱང་རེད།
མ་གཞི། ཕལ་བ་དང་སྤྱིར་བཏང་གི་སྐད་ཆ་དེའི་རིགས་ལ།
མཚོན་བྱེད་གཞན་ཅི་ཡང་ཡོད་མི་སྲིད།
ཡིན་ཡང་། ཉི་མ་དེར། ངས་ཁྱོད་ཀྱི་སྐད་ཆ་ལ་ཚད་མཐོན་པོས་དོ་སྣང་ཤོར།
ཁྱོད་ཀྱི་ཆེས་སྤྱིར་བཏང་གི་སྐད་ཆ་ཞིག་ལ།
ངས་ཆེས་སྤྱིར་བཏང་མ་ཡིན་པའི་གདེང་འཇོག་ཅིག་བྱུང་དོན།
སྐད་ཆ་ཤོད་མཁན་གྱི་ཁྱོད་རང་།
ངའི་སེམས་ཀྱི་ཟབ་ས་དང་ཡིད་ཀྱི་མཐོ་ས་རུ།
ཕལ་བ་དང་སྤྱིར་བཏང་མ་ཡིན་མི་ཞིག་ཆགས་ཡོད་པས་ཡིན་ནམ།

༢༠༢༤/༣/༨/ ཉིན་སོག་མིང་བས།[咖啡]

ཨ་མའི་རྨི་ལམ་སྐར་ཚོགས་ཀྱིས་བྲན་ཡོད།

—— 3.8བུད་མེད་དུས་ཆེན་ལ།

གྱང་ཆག མཚོ་སྔོན།

ཨ་མའི་མཚན་མོ།
སྒོ་ཁྱིའི་ཟུག་སྐད་ཀྱིས་བསྲུངས་ཡོད།
ཨ་མའིི་རྨི་ལམ།
ཟླ་འོོད་དང་སྐར་ཚོགས་ཀྱི་ཟིལ་བས་བྲན་ཡོད།
ཨ་མའི་རྐང་རྗེས།
འུ་ཚང་གི་མཚེར་ས་རེ་རེའི་ཁོར་མོ་ཡུག་ན་དཔར་ཡོད།
ཨ་མའི་སྐྱ་རེངས།
འབྲི་མོའི་རྭ་རྩེ་ཡིས་བཏེགས་ཡོད།
ཨ་མའི་འཛུམ་མདངས།
ཁྱིམ་མི་གང་བོའི་སྙིང་ལ་བཞད་ཡོད།

རྩྭ་ཐང་དང་སྤྲིན་དཀར།
ཨ་མའི་ཟོ་ཁ་རུ་ལྟེམས་ཡོད།
ནོར་ལུག་དང་མེ་ཏོག
ཨ་མའི་སེམས་ཁ་ན་འཛུམ་ཡོད།

དགུ་ཚིགས་ཀྱི་གཙང་བོས་བརླན་པའི་ནམ་མཁའ་སྔོན་པོ།
ཉིན་ནུབ་ཀྱི་གཤམ་དུ་ཤར་བའི་མཚམས་སྤྲིན་གྱི་མཛེས་སྡུག
ཨ་མའི་གོམ་འགྲོས་ཀྱི་བར་ན་སྨིན་ཞིང་།
ཨ་མའི་དཔྲལ་བར་ཕྲེད་དུ་བབས་པའི་རི་མོ་རེ་རེ་ལས་འཚེར།

2024.3.8

བླ་མ་དཀོན་མཆོག་གསུམ་ལ་ཕྱག་འཚལ་ལོ།།
དེ་རིང་རྒྱལ་སྤྱིའི་༣་༨་བུད་མེད་དུས་ཆེན་ལ་དྲིན་ཆེན་མ་ལོའི་གཙོའི་གནམ་འོག་གི་བུད་མེད་ཡོངས་ལ་ལུས་བདེ་སེམས་སྐྱིད་དང་བསམ་དོན་ཆོས་བཞིན་དུ་འགྲུབ་པའི་རྟེན་འབྲེལ་ཞུ།
顶礼上师三宝！
今天是国际妇女节。祝天下所有女性们，节日快乐
愿您们身心愉快、法喜充满、吉祥如意！