དད་གསུམ་ཉམས་དགའི་སྐྱེད་ཚལ་ལས་འཁྲུངས་པའི། །
ཐལ་སྦྱར་མེ་ཏོག་འཛུམ་པའི་ཕུ་དུད་བཅས། །
ལེགས་བྱས་སྦྲང་རྩིའི་ཟིལ་དངར་གྱིས་མྱོས་པའི། །
རྐང་དྲུག་མགྲིན་པའི་རྒྱུད་མངས་ཇི་བཞིན་སྦྲེང་། །

རས་དཀར་གྱི་གོས་རལ་པོ་དེ་གཞན་གྱི་་ཞེན་ལོག་གི་གནས་སུ་གྱུར་ཚེ་ཁྱེད་ཉིད་ཐུགས་རྒྱུད་གསལ་ཞིང་དྭངས་།།
སྐུ་ལུས་སྔོ་ཀྱོག་གེ་བ་གོང་ཐང་བུ་མོ་གསུམ་གྱི་ཤ་ཚ་བའི་ཡུལ་དུ་གྱུར་དུས་ནང་སེམས་སུ་འགྲོ་ཀུན་བློས་བོར་མི་ནུས་པའི་སྙིང་རྗེས་རྒྱུད་རླན།
སྔགས་སེར་དབར་དུ་འགལ་འདིུའི་མེ་ལྕེ་བར་ཏེ་དགེ་བཤེས་ག་གེ་མོས་ངན་སེམས་ཆང་དུ་དྲངས་ཚེ་བཟོད་པའི་གོ་ཆ་དང་ལས་འབྲས་ཀྱི་ཐ་སྙད་གངས་རི་ལྟར་ཀུན་གྱི་མིག་ལམ་དུ་བསྐྲུན།
ཁྱེད་ནི་མི་ཡིན་ཡང་མི་ཡི་ཐ་སྙད་་ལས་འདས་ཕོ་རྒོད་པོ་དེ་ཡིན་པ་འདྲ།

རྣལ་འབྱོར་གྱི་དབང་ཕྱུགས།
ནང་རུལ་ཟིན་པའི་ཆོས་པའི་ཐོ་ཡོར་ང་ཅག་བསམ་ན་ཁྱེད་ཉིད་བསམ་པའི་ཡུལ་དུ་འཆར་བར་འཚེར་སྣང་གི་རྦ་རླབས་འཕྱོ་ཡང་ལྷག་ཏུ་དྲན། གང་ཚེ་འཁོར་བར་ཞེན་ལོགས་ཀྱི་གྲིབ་གཟུགས་སྣང་ཙམ་བྱུང་ན་རྗེས་སུ་གཟུང་ཞེས་པའི་རྡ་ལ་ངས་ཀྱང་བསྙབ་ཙམ་བྱེད་འདོད།
གངས་ཀྱི་ལྷ།།

༢༠༢༤/༢/༢༣ཉིན་བྲིས།

ཆོས་སྡེ་ཆེན་མོ་སྟག་ཚ༧ཤར་རྩེ་སྐུ་ཕྲེང་རིམ་བྱོན་གྱི་གདན་ས་ཆེན་པོ།
སྟག་ཚ་བཀྲ་ཤིས་ཆོས་བཟང་གླིང་གི་ད་ལོའི་ཆོ་འཕྲུལ་སྨོན་ལམ་གྱི་
ཚེས་བཅུ་བཞི་ཉིན་གྱི་གཏོར་རྒྱག་གི་རྣམ་པ་ཟུར་ཙམ།
若尔盖达扎寺院烍朵玛仪式。 https://t.cn/RJ208KF