བརྒྱུད་པ་གསུམ་གྱི་བྱིན་རླབས་སྙིང་ལ་ཞུགས།།
ཡོ་ག་གསུམ་གྱི་དགོངས་པ་མཐའ་རུ་ཕྱིན།།
སྡེ་གསུམ་སྲུང་མ་ལུས་དང་གྲིབ་བཞིན་འགྲོགས།།
འདྲེན་མཆོག་དཔལ་ལྡན་བླ་མར་གསོལ་བ་འདེབས།།

སྤྱི་གཙུག་བདེ་ཆེན་ཕོ་བྲང་ན། །
ངོ་བོ་སྐྱེ་མེད་ཆོས་སྐུ་བཞུགས། །
རང་མདངས་འགག་མེད་ལོངས་སྤྱོད་རྫོགས། །
སྣ་ཚོགས་འགྲོ་བ་འདུལ་ཕྱིར་དུ། །
སྤྲུལ་བའི་རྣམ་རོལ་རྒྱུན་མི་ཆད། །
ལས་ངན་ང་འདྲ་འདྲེན་ཆེད་དུ། །
དགེ་བའི་གཤེས་གཉེན་ཉིད་སྤྲུལ་ནས། །
སྨིན་གྲོལ་དབང་བཞིའི་ཆུ་རྒྱུན་གྱིས། །
བཀའ་དྲིན་ནམ་མཁའི་ཁྱོན་ལས་ཡངས། །
ཁྱོད་ནི་འདམ་སྐྱེས་པདྨོ་བཞིན། །
སྐྱོན་གྱི་དྲི་མ་ཡོངས་སྤངས་ནས། །
གདུལ་བྱའི་ཞིང་ས་གཤིན་པོ་དག །
དངོས་གྲུབ་ཆར་གྱིས་བརླན་པར་བྱེད། །

༢༠༢༤/༢/༢༢ཉིན་རྣོ་གྲི་ནས།#叶西达瓦[超话]#

༄།།དྲོད་ཀྱི་རླུང་བུ་འཇམ་པོ་དལ་གྱིས་ལྡང་།།
དྭངས་གཙང་ཆུ་མོ་སྔོན་པོ་རིམ་གྱིས་བཞུར།།
དགུན་འཁྱག་སྡོང་པོའི་གསོན་ཤུགས་འཕེལ་དང་ལྷན།།
བརྩེ་བའི་དགའ་མའི་འཛུམ་མདངས་ཟུམ་པ་མེད།། https://t.cn/z82B7Fq