གོས་རྒྱན་རིག་གནས་འཚོལ་བསྡུའི་བརྡ་སྦྱོར།

བོད་ཀྱི་གོས་རྒྱན་རིག་གནས་ལ་སྲུང་སྐྱོབ་དང་ཞིབ་འཇུག རྒྱུད་འཛིན་བྱེད་པའི་ཆེད་དུ། བདག་གིས་བོད་ཀྱི་གོས་དང་རྒྱན་ཆའི་སྐོར་གྱི་འདྲ་པར་དང་དངོས་པོ། འབྲེལ་ཡོད་ངོ་སྤྲོད་སོགས་རྒྱུ་ཆ་འཚོལ་སྡུད་དང་ཚགས་སྒྲིག་བྱ་རྩིས་ཡོད་པས། དམངས་སྲོལ་རིག་གནས་དང་གོས་རྒྱན་རིག་གནས་ལ་གཞོལ་བའི་ཆེད་མཁས་དང་མོས་པ་ཅན་རྣམས་ཀྱིས་དོ་ཁུར་དང་རྒྱབ་སྐྱོར་ཡོད་པར་ཞུ།

འདྲ་པར་དང་དངོས་པོ། ངོ་སྤྲོད་ཡི་གེ་བཅས་ཀྱི་ནང་དུ། གོས་རྒྱན་གྱི་མིང་དང་༼འབོད་སྟངས་གཞན་དག་ཀྱང་འབྲི་ཆོག༽འབྱུང་ཁུངས། བྱེད་ནུས། ཁྱད་ཆོས། རྒྱབ་ལྗོངས་ཀྱི་རིག་གནས་༼འབྲེལ་ཡོད་ངག་རྒྱུན་དང་གཏམ་དཔེ། དམངས་གླུ་སོགས།༽བཅས་ཚང་བར་བསྐུར་བ་དང་། ངོ་སྤྲོད་ཡིག་འབྲུ་༥༠༠ལས་མི་མང་ཞིང་༼བོད་རྒྱ་དབྱིན་གསུམ་གྱི་ཡིག་རིགས་གང་ཡིན་ཡང་རུང་༽འདྲ་པར་གྱི་དྭངས་ཚད་མཐོན་པོ་ཡིན་དགོས། གལ་ཏེ་མཁོ་འདོན་བྱས་པའི་རྒྱུ་ཆ་དེ་དག་བེད་སྤྱོད་ཡོང་ན་ལྟོས་བཅས་ཀྱིས་སྐྱེས་ལན་བསློག་ངེས་ཡིན།
སྦྲག་སྒམ། zangfushiwenhua@163.com

ཐུགས་རྗེ་ཆེ།

བསོད་དར་རྒྱས་ནས།

ཕྱི་ལོ་༢༠༢༣ལོའི་ཟླ་༨པའི་ཚེས་༢༦་ལ།

为了保护、研究、传承藏族服饰文化，我想收集、整理与藏族服装和饰品相关的图片、实物、文字素材资料，希望得到致于民俗文化、服饰文化的专家学者、爱好者的关注和支持。

图片、实物、文字内容包含服饰名称（俗名别名均可）、来源、功能、特点、背景文化（相关故事、谚语、民歌等)，500字以内（藏汉英均可），图片清晰。提供的资料如果能用上，我们也会给予相应回馈。

资料邮箱：zangfushiwenhua@163.com

诚心致谢！

索达吉堪布

2023年8月26日

༧གངས་ཀྱི་སེང་གེ
དངུལ་གྱི་ལྕུག་མ་ལྡེམ་པའི་འོ་མའི་མཚོར།།
རབ་མཛེས་འགྱིང་བག་གར་གྱིས་སྒེག་པ་མོ།།
ངག་དབང་དབྱངས་ཀྱི་རྒྱལ་མོར་ཕྱག་བགྱིད་ན།།
དད་པའི་བུ་ལ་དབྱངས་ཀྱི་བགོ་སྐལ་སྩོལ།།

ཁ་བའི་རྡུལ་བརྩེགས་ལྷུན་པོས་ཀུན་ནས་བསྐོར།།
ཕྱག་ན་པད་མོས་བསྐྱངས་བའི་ལྗོངས་འདི་རུ།།
ཟླ་མེད་དཔའ་མཛངས་རྟུལ་ཕོད་ཀྱིས་འཚོ་བའི།།

གངས་ཀྱི་སེང་གེའི་གྲགས་པ་རིང་ན་འབར།།

གྲང་ངར་ཁྲོད་ན་བརྗིད་ཉམས་ཀྱིས་འཚོ་ཞིང་།།
རི་དྭགས་ཚོགས་ཀྱི་རྒྱལ་བོའི་སྙན་པ་ཅན།།
མི་འཇིགས་སྤོབས་པའི་གླལ་བ་སྒྲོག་པ་ན།།
ཚང་ཚིང་ལྗོན་ཤིང་གཡུ་ལོའི་རང་ཚུགས་འདར།།

སྲ་མཁྲེགས་གཤིས་ཀ་རབ་བརྟན་བྲག་རིའི་སྤུན།།
དགྲ་སྡེ་རྒྱ་སྟག་ཁྲ་བོའི་གཤེད་དུ་འགྱིང་།།
སྐད་གཅིག་ཁྲོས་པའི་མཆེ་བ་མངོན་གཙིགས་ན།།
མྱོས་ལྡན་གཉིས་འཐུང་ཚོགས་ཀྱིས་བག་ཡོད་ཐོབ།།

བཙན་པོ་ཟིལ་གྱིས་གནོན་པའི་གཡུ་རལ་གཟེངས།།
གཉོམ་ཆུང་རང་གི་རིགས་ཀྱི་མཛའ་བཤེས་ཉིད།།
མི་བཟད་དཔའ་སྙིང་མཆེ་སྡེར་རྣོན་པོ་ཅན།།
ང་ཡི་སྤོབས་པ་སེང་གེ་སྲབ་མེད་ཡིན།།

བཙན་མེ་སྟག་ནས།

བློ་གྲོས་རྒྱ་མཚོས་ཞུས་པའི་མདོ་ལས་ཇི་སྐད་དུ། །
བློ་གྲོས་རྒྱ་མཚོ་གསུམ་པོ་འདི་དག་ནི་དེ་བཞིན་གཤེགས་པ་ལ་མཆོད་པ་དང་རིམ་གྲོ་བྱེད་པ་བླ་ན་མེད་པའོ། གསུམ་གང་ཞེ་ན། གང་བྱང་ཆུབ་དུ་སེམས་བསྐྱེད་པ་དང་། གང་དམ་པའི་ཆོས་ཡོངས་སུ་འཛིན་པ་དང་། གང་སེམས་ཅན་རྣམས་ལ་སྙིང་རྗེ་ཆེན་པོ་བསྐྱེད་པའོ་ཞེས་གསུངས་པ་ལྟ་བུའོ། །