དཔལ་རོང་ཟོམ་མ་ཧཱ་པཎྜི་ཏཱའི་ཞལ་ཐང་འདི་ནི་དུས་རབས་བཅོ་ལྔ་པར་བོད་ཀྱི་ལྷ་རིས་ཀྱི་གྲུབ་མཐའ་ཆེན་མོ་བཞིའི་ཡ་གྱལ་མཁྱེན་ལུགས་ཀྱི་ཤིང་རྟའི་སྲོལ་འབྱེད་པ་མཁྱེན་བརྩེ་ཆེན་མོས་འབྲི་བཞེང་གནང་བར་བཤད་ལ།

ད་ལྟ་ཨ་རིའི་ཉིའུ་ཡོག་གི་རུའུ་པིན་སྒྱུ་རྩལ་བཤམས་སྟོན་ཁང་དུ་（RUBIN MUSEUM OF ART鲁宾艺术博物馆）བཞུགས་ཡོད།

དོང་ནང་གི་ནམ་མཁའ།
​

འཛམ་གླིང་ན་ཡང་སྙན་པའི་བ་དན་གྲགས་མྱོང་བའི་ཐུ་བྷོད་ཚང་ཆོས་སྲིད་གཉིས་ཆ་ནས་འཕེལ་རྒྱས་འགྲོ་ཆེད་སྐུ་གསུང་ཐུགས་གསུམ་ངལ་བ་དག་གིས་ཅི་མཛད་ཅི་སྤེལ་ལ་མི་ཉན་མི་ལྟ། ཀླད་པའི་ཕྱི་ནང་ཞེ་སྡང་གིས་ཁྱབ་ཅིང་། བློ་ཁོག་ཡོད་ཚད་གཏོར་བཤིག་གིས་བཀང་བའི་ཡ་མ་བརླ། དཔེ་ཀློག་ཐན་ཐུན་ཙམ་དང་རིག་གཞུང་བན་བུན་རེ་སྦྱངས་མྱོང་བ་ཙམ་ལས་ཅི་ཡང་མེད་པའི་ཟ་རོ། ཆང་ནག་གིས་འཚོས་པ་ཚོས་ཅི་མཛད་བློ་ལ་ངེས་ཤིང་ཅི་སྤེལ་མིག་གིས་མཐོང་བའི་གཞོན་རབས་པ་ཤིན་ཏུ་མང་བ་ལ་ལྟོས་དང་བོད་ཀྱི་མ་འོངས་པ་བཤམས་བཞག་མེད་དམ། བོད་ཕྲུག་དར་མ་ཚོས་ལྟ་ཉེས་ཉན་ཉེས་མིན་ནམ། བོད་ལ་བློ་དཀར་སེམས་དཀར་ཡིན་ཟེར་མཁན་ཚོས་སློབ་གསོ་གཏོང་རན་མིན་ནམ། སློབ་སྦྱང་ཐུན་གཅིག་ཆད་པ་ནི་སྨད་དགོས་པའི་གནས་མིན་མོད། གཞོན་རབས་པའི་བསམ་སྤྱོད་རུལ་བཞིན་པ་ནི་འཇིགས་ཡེར་བའི་གྱོང་གུད་མིན་ནམ།
དོང་ནང་གི་ནམ་མཁའ་ནི་དེ་ཙམ་ངོ་མཚར་མེད་ཀྱང་ཁོ་ཚོས་དེ་མཚར་དུ་བརྩི། དོང་ཁར་ཐོན་རྗེས་ཀྱི་ཁོད་ཡངས་བའི་གངས་ལྗོངས་ནི་ངོ་མཚར་ཆེ་ཡང་འཚོལ་མི་ཤེས། ཨ་ཨ་ཡ་མཚན་རེད།
​

​

གདོན་བྱ་གྲོལ་མ་ཐག་གྲོགས་ཤིག་གི་རྩིབ་ནས་བྲིས།

རྩེད་གྲལ་འགྲིམས་པའི་ཌཱཀྐི།།
ཡིག་དྲུག་འདྲེན་ཞིང་བཞུགས་ན།།
ཤག་མོ་ཁོང་དགོད་འཆོར་འོང་།།
བྱིས་པ་པད་མ་སྒྲོན་དཀར།།
ལས་འཕྲོ་གཏེར་ལ་དབང་ཡང་།།
རྩེད་གྲོགས་སྲས་མོ་སྣབས་ཁས།།
རྟེན་འབྲེལ་བསྣོགས་ནས་ཐལ་ལོ།།