前日朝3點幾鐘醒咗落單買嘅急凍點心今日全部順利到貨～～[太开心][太开心]自從換咗提貨點之後，樣樣都好順利！[鼓掌][鼓掌]哩間士多老闆招呼好、又有禮貌，又唔使自己抄嘢，最緊要係佢有雪櫃凍著D凍品。

今次又係儲備充足，而且其他要辦嘅事都辦妥，之後就可以安在家中、減少出門喇。

另一件開心嘢就係，今早終於俾我訂到生日蛋糕喇！真係要打電話去訂。由於附近都有零星病例，所以都唔建議較長距離送外賣，嗰間蛋糕屋真係個幾禮拜都唔可以外賣到我宿舍了。不過今早，我見到佢有掛牌開舖，蛋糕就未上架。於是我打電話去問有冇整生日蛋糕？職員話，都可以整，你真係要師傅就整喇，不過都要12點先有得攞。我話OK,你上架我就買。點知呢，我order嘅一件「士多啤梨切件蛋糕」居然俾人手快快買咗⋯⋯[苦涩][苦涩]另一件「榴槤千層蛋糕」就好彩買到。最後舖頭自己揸車主意，送咗兩件「榴槤千層蛋糕」過來。都算係咁喇，特殊時期，買到蛋糕已經好開心～～一買完，外賣平台就話唔可以送過嚟了。

我部大雪櫃已經儲備充足，好安心吖～～

無綫劇集《下流上車族》感人爆喊位一浪接一浪，前晚多場催淚位，令收視不斷上升，收視錄24點，昨晚一集更衝破25點收視，相當厲害，全城網民集氣望今晚大結局破30點收視。
劇中講述飾演蔓蔓的羅毓儀（Yuki）上演崩潰式喊戲掀起序幕，劇情講述蔓蔓目擊爸爸志明（林敏驄飾）疑有外遇後大受打擊，情緒爆發邊哭邊跑回家，並攬着媽媽（江美儀飾）及家姐芊芊（郭柏妍飾）哭個不停：「爹哋唔要我哋喇......」Yuki這場戲表現相當投入，更激動到面都紅晒。她受訪時透露事前原來有向影后鮑起靜請教：「因為冇經歷過呢樣嘢，所以拿捏唔到個情緒應該去到邊，鮑姐就幫我分析話蔓蔓比較小朋友，遇到呢種情況會感受比較大，所以會喊得比較勁，聽完鮑姐講再加埋自己想像，就代入到個角色。」
Yuki續指該場戲前後拍了共兩Take，並特別感激「媽咪」江美儀信任：「第一Take其實都喊到，但媽咪睇完Playback後覺得我可以喊得再入肉啲，之後就叫導演畀多次機會我。其實本身自己睇完都覺得爭咁啲，但始終自己係新人唔夠膽要求嚟多Take，亦都唔敢保證會唔會做得更好，好多謝美儀姐相信我做得到，覺得好感動。」

而來到劇集尾聲，林敏驄再度攻陷觀眾「淚點」！劇情講到受盡傷害的雯慧（江美儀飾）向志明提出離婚，志明遂陷入後悔輪迴，一邊看一家人的相片一邊爆喊。失去家人的志明更幻想一家四口重聚的畫面，四人相擁而泣煞是感人......但鏡頭一轉只剩下志明獨自躺在梳化落淚，凸顯出志明的孤獨。林敏驄透露這場戲是自己提議加的：「本來場戲係得我一個喊，之後我覺得兩個女啲演技都開始成熟，可以喊得出喇喎，加上大家相處咗幾個月，有咗感情基礎，所以搵埋佢哋同美儀一齊演，大家拍呢場時都喊晒，美儀都喊到收唔到聲，感覺非常好。」
而今晚大結局最大睇頭，當然是陷入離婚邊緣的車氏夫婦如何大團圓結局，林敏驄更會大拋感人Bite：「我哋加埋幾多歲喇？唔通仲可以有轟轟烈烈嘅愛情？只希望呢個家齊齊整整，可以同你細水長流。」兩公婆聯手大派洋葱！

應屆港姐冠軍林鈺洧（Denice）今日（11日）現身《無綫節目巡禮2023》，對於媽咪與前夫林俊賢隔空罵戰，作為女兒的她慘成「夾心人」，Denice曾指林俊賢沒養育她，惟卻反被父親斥「講大話」，Denice對於家事又再有新進展，她即大表無奈：「都唔想再回應，我已經冇感覺，我係一個個體，佢哋鍾意點就點，冇乜所謂，嘈交係佢哋嘅事。（有媽咪有講件事？）同媽咪有傾偈，但冇講件事，唔知佢嘅心情，亦冇特別了解，呢排焦點都係放番喺自己身上，唔想再諗人哋太多，睇到有啲厭。」Denice表示朋友也有關心她，獲悉她未受事件困擾也戥她開心：「佢哋似唔開心過我，仲帶我去食飯同去主題樂園散心，不過我主要都係去湊人數，哈哈！」