#张家辉[超话]#

#胡枫# 演唱會︱#张学友# 獻唱力撐　張家輝開金口掀高潮
藝人胡楓（修修）原訂9月19日中秋節於紅館舉行演唱會，唯因確診新冠肺炎關係，決定將演出延至今午舉行，吸引大批圈中好友包括許冠文、余安安、滕麗名及葉蒨文等捧場，更有「契仔」張學友及張家輝做特別嘉賓，容祖兒則送上花藍。大會於台上擺枱約10圍，招呼修修親朋戚友及主辦機構VIP，全場星光熠熠。
修修由一班女Dancers陪同出場，一身粉紅西裝配以閃石眼鏡打扮的他，以《紅日》及《舊歡如夢》等串燒歌揭開序幕。期後他向台下說：「good afternoon，大家食咗午飯未？我都係第一次下午開騷，唔知同夜晚嘅掌聲同唔同呢？演唱會改咗兩次期，好彩唔使等到91歲先開啫！」他又與台下許冠文對唱《鐵塔凌雲》，後者打趣：「你要身體健康，開騷到150歲，如果唔係我冇幾多位前輩要尊重嘞！」
張家輝隨後登場唱《分分鐘需要你》，令全場起哄。他與修修閒聊時笑說：「你要我唱首情歌，當我係你契仔定你條仔先？你咁嘅年紀，我塗起口紅都係小鮮肉！你1953年入行 ，拍咗386部戲，仲拍唔拍先？仲拍就要幫你搵個拍檔，就係Lady 羅蘭！」羅蘭上台表示：「你做導演，從來冇搵我同修修，係咪下部搵我哋先？全場聽實嘞！」修修則說：「你啱啱喺馬來西亞拍完戲返嚟，記得搵我哋食飯，收咗錢喎！」家輝笑說：「冇問題，但收唔到錢嘅，你又唔知啫。」
學友呼籲全場歌迷拍掌，即場行大禮，向修修跪拜又攬錫。學友笑說：「我好耐冇跪過人，除咗老婆外，依家向你祝壽，祝你福如東海、壽比南山。」場面感人。修修自爆：「86歲嗰年我開演唱會，學友同時間喺新加坡開騷，佢出動人造衛星直播同我合唱，我話使幾十萬做乜吖。今次佢主動傳短訊日問預唔預佢？梗係預啦！」學友接口：「出年你再開演唱會，贊助商會增加到30幾個，我都夾一份！」隨後家輝再度登場，與學友及修修合唱《情已逝》，全場氣氛高漲！

咩系朋友？好多人都有佢嘅答案。一直以来我系咪对朋友嘅要求太低了，但系，最起码我嘅生日你要记得啊，就算你唔舍得送我生日礼物，咁你可以发一个生日快乐噶，而唔系一个祝福都冇。特别系今年咁多对比之下我真系发觉，我哋两个真系太生疏了，生疏度对方嘅生日都唔知。 反正我觉得如果你连对方生日都唔记得嘅话，如果系第一年嘅话情有可原啦，咁问题系宜家识到几耐啊，好感系一点一点咁冇咖，你以后唔稳我咁我咪唔稳你咯有乜大不了噶。

轉載網上新聞
《我和殭屍有個約會》改篇成電影《驅魔龍族馬小玲》
半年前，有消息指劇集《我和殭屍有個約會》將經典重現，翻拍成電影搬上大銀幕，更由原創人，即萬綺雯老公、有「香港鬼才編劇」之稱的陳十三任監製、編劇及導演，之前一直只聞樓梯響。直至日前，《娛壹》見到劇組開工，直擊《我和殭屍有個約會》電影版拍攝，並改名為《驅魔龍族馬小玲》。
當晚的拍攝地點是一間荒廢了的學校校舍，外圍打滿紅色燈，皆因劇情是講血月，湊巧開工第一晚，正是血月出現的日子，連個天都配合劇情，認真難得。現場見到飾演馬小玲的吳千語與飾演王珍珍的蔡潔穿上校服，在校內跑出校外，前後拍了幾次，導演陳十三便收貨。之後記者見到飾演未來的金像最佳女配角廖子妤 亦在場，可惜場地要轉移到校內五樓室內繼續拍攝，看不到她的拍攝情況。
萬綺雯撐老公客串一角
記者見到導演陳十三，上前跟他打個招呼，問他將劇集拍成電影版這個想法何時萌生，導演笑言：「其實拍完第一輯開始，已經有無數人搵過我開拍電影版。」事隔24年，陳十三表示是被投資方感動才開拍電影版，「佢哋不斷用咗好多方法去攞版權，但我唔講得咁多噃！」至於馬小玲一角，由吳千語接他老婆萬綺雯捧，陳十三點着頭說：「我覺得啱佢做啦，要大家去睇，而家唔講得咁多！」有指萬綺雯為了撐老公會出山在戲中客串一角，陳十三不置可否說：「唔講得咁多呀！」
當年萬綺雯飾演的馬小玲一角成經典角色，很多劇迷至今仍對她在劇中以短裙配長靴的造型記憶猶新，萬綺雯幾乎集集出場都會騷長腿，是不少劇迷的女神，亦成了她的代表作之一。今次由吳千語接捧飾演馬小玲，黃宗澤取代尹天照飾演況天祐、蔡潔接楊恭如飾演王珍珍、呂良偉代替了陳啟泰飾演山本一夫，未知其他角色找了誰演呢！ （圖片來源：網上圖片）
#我和殭尸有个约会##驅魔龍族馬小玲#