མི་ཁེར་འགྲོ་བ།

ཁོ་ཁུ་སིམ་མེར་མལ་ཁྲིའི་སྟེང་ཉལ་ནས་སྒེའུ་ཁུང་ཕྱི་རོལ་གྱི་
སྟོན་ཁའི་རླུང་བུ་དང་མཉམ་དུ་གཡོ་སྟངས་བྱེད་བཞིན་པའི་ཤིང་ལོ་དག་ལ་བལྟས་ནས་བསྡད་འདུག་
ཁོས་མིག་མདུན་དུ་ལྷགས་པའི་དོན་དག་ཡོད་ཚད་སྣང་མེད་དུ་བཞག་ནས་
ཁོ་རང་གི་རྣམ་ཤེས་ཡང་
ཤིང་ལོ་འཁྱམ་པོ་དེ་ཚོ་དང་མཉམ་དུ་གཡོ་སྟངས་གཡོ་སྟངས་བྱེད་བཞིན་
ཐ་མར་ཁོ་རང་མ་གཏོགས་མི་ཤེས་པའི
ཡུལ་གྲུ་ཞིག་ཏུ་ཕྱིན་སོང་།

ཀླུ་ཐུག་དང་འབྲེལ་བ་མེད་པའི་དུས་ཚོད།

ཕུར་བཀྲ།

དུས་ཚོད་རིང་དྲགས་པ་ལ
ཟླ་བ་གཉིས་དང་ལྷག་ཅིག་ཕྱིན་སོང
གཅིག་བྱས་ན

པ་སངས་ལགས་ཕག་པ་ཆགས་ཡོད་ས་རེད

པ་སངས་ལགས་རྒྱུན་རིང་ལ་ནང་དུ་སྡོད་དགོས་བྱུང་བས
གདོང་པ་དཀར་པོ་ཆགས་ཡོད་ས་རེད
བྱས་ཙང

ལྟོ་ཕད་ཀྱང་སྟོང་པ་ཆགས་མེད་དམ

ན་ཚ་དེ་སྐྱིད་ཤོད་ལུང་པར་མཆེད་པས
པ་སངས་དང་ཁོ་མོའི་ནང་མིར་དཀའ་ལས་ཁག་པོ་བྱུང་སོང
ཁ་ལག་བཟོ་བའི་ལག་རྩལ་ཡོད་ནའང་བཟོ་བྱེད་ཁག་པོ་ཆགས་ཀྱིས

ཀླུ་ཐུག་དེ

གསོལ་ཇ་མངར་མོ་དེ

བག་ལེབ་དེ
པ་སངས་ཀྱི་འཚོ་བ་སྟབས་བདེ་དེ

ཟླ་གཉིས་དང་ལྷག་ཅིག་ཕྱིན་པས
པ་སངས་ལགས་ལ་སྐུ་ཤ་རྒྱས་པས
ངས

གྲོང་གསེབ་ཀྱི་ཇོ་རྒྱགས་པ་དེ་རེད་བསམ་སོང
ཁོ་གཉིས་ཀྱི་གདོང་པ་ནག་པས་ང་རང་ནོར་དོགས་ཐེབས

དུས་ཚོད་ག་ཚོད་ཅིག་འགོར་རྗེས
པ་སངས་ཀྱིས་ལྟོ་ཕད་སྟོང་པ་ཞིག་ཁུར་ནས
ཁྲོམ་གཞུང་དུ་སླེབས་འོང་བསམ་ཚེ
ང་ལ་གྲ་སྒྲིག་ཨང་སར་ཡོད་དགོས་པ་མིན་འགྲོ

࿑གཞན་གྱི་བདེ་བ་སྡུག་བསྔལ་དུ་བསྒྱུར་ཏེ། དེ་ལས་བདེ་སྣང་ཞིག་རྙེད་དགོས་པ། འདི་ནི་ང་ཚོས་བདེ་བ་འཚོལ་སྟངས་ཤིག་ཅི་ལ་མིན། དེ་དགོང་ང་རང་ཁེར་རྐྱང་ཡིན་པས་སྐྱོ་བ་ཞིག་འདི་ལྟར་ཡོད་ཅེས་གླེང་མི་ཕོད།

རྒྱུ་མཚན་ཁེར་རྐྱང་ངང་འཇིགས་སྣང་དང་མུན་ནག་ངོ་མ་ནི་ང་ལ་ཡོད་པ་མ་ཡིན་པར་ངའི་ཆེད་དུ་གཅེས་སྲོག་དབང་མེད་དུ་ཤོར་སོང་བའི་བར་དོར་འཁྱམ་གྱིན་པའི་རྣམ་ཤེས་དེ་དག་ལ་ཡོད་པ་རེད། ༢༠༢༢\ ༡༠\ ༥\ ཉིན་རྨ་པྲཛྙཱ་ནས།