下流上車族丨郭柏妍失聲靠林敏驄打救 林穎彤搣甩乖女形象演巴渣港女

TVB台慶劇《下流上車族》一連20集由今日起逢周一至五晚上8點半播出，演員陣容有林敏驄、江美儀、鮑起靜、郭柏妍、羅毓儀、鄧智堅、林穎彤、關曜儁、丁子朗、袁文傑、朱凱婷、林景程、黃嘉雯等。

《下流上車族》雲集眾多好戲之人，一班後起之秀郭柏妍、羅毓儀及林穎彤（Bella）等同樣值得關注，郭柏妍同羅毓儀喺劇中飾演驄哥及美儀姐嘅女兒，郭柏妍飾演家姐「車芊芊」堅拒做樓奴，與憶樓成狂嘅阿媽更係前世撈亂骨頭，經常爆發爭執。

郭柏妍喺劇中經常踩滑板送外賣賺錢，為咗配合角色，郭柏妍事前專誠上堂學踩滑板，每日放咗工就去練，希望將勤補拙，郭柏妍稱跟驄哥、美儀姐及鮑姐私下相處好似一家人，有次佢失咗聲好擔心影響進度，郭柏妍續道：「佢哋好好係咁安慰我，驄哥畀咗啲潤喉膏我食，美儀姐就推介咗啲中藥，食完之後真係好番冇事。」

羅毓儀飾演細妹「車蔓蔓」受媽咪溺愛，由細到大咩都唔使做，搞到生活不能自理，常常爆出令人意想不到嘅笑料。Yuki受訪時大讚驄哥同美儀姐照顧後輩，其中一場喊戲Yuki更靠着美儀姐「愛心雞翼」引爆淚水，十分神奇，羅毓儀解釋：「美儀姐煮嘢食好叻，有次開廠佢整咗滷水雞翼畀我哋食，為咗喊得出我就食咗4隻，因為喊戲要用好多Energy，全部人食完之後即刻喊到一Take收貨！」

林穎彤做開乖乖女及慘情角色，今次挑戰演貪小便宜兼凡事算到盡嘅「王亦詩」，港女味十足。Bella受訪時笑言被劇中計數場口考起：「有啲戲要表現到計數好叻咁，而我嘅數學係勁差，背對白時要花啲工夫。」

童星出身嘅林穎彤透露9歲時第一次拍劇就係與鮑姐、美儀姐合作，相隔20年再合作感到好親切：「好細個已經認識鮑姐，好似見番一個好熟悉嘅長輩咁，美儀姐就同我一樣都係食素，佢成日會分享素食畀我，覺得好溫暖。」

日期： 14/10/2022
活動： 台慶劇《下流上車族》「一流上車攻略」
嘉賓： #林敏驄#、#江美儀#、#鮑起靜#、#郭柏妍#、#羅毓儀#、#鄧智堅#、#林穎彤#、#關曜儁#、#丁子朗#、#袁文傑#、#朱凱婷#、#黃嘉雯#、#林景程#、#黃建東#、#鍾晴#、#邵卓堯#、#秦啟維#、#葉凱茵#、#劉桂芳#、#黃梓瑋#、#譚淑瑩#、#文凱婷#、#關文深#。

时间紧任务重，赶在假期前仅有的一次拍摄机会，完成了这组为迈巴赫S 680 Virgil Abloh限量版美图。首先感谢所有成员在短时间集中了场地和设备，拍摄方案都是现场临时决定的，后期都是牺牲了假期时间完成，所以一组大片背后都是每位老师的心血。而这台限量车型也让每个人为之兴奋，因为它太独特了，曜石黑配沙岩黄双拼色，经典的饼式轮圈与车身同色，既复古又彰显了Virgil Abloh对于大自然的理解，150分之1的数量足够稀有，无论是潮人还是爱车人士都会为之倾倒，有幸记录下来它在国内最美的状态，这个10月注定不凡。