無綫藝人衛志豪不時都會喺社交平台分享佢嘅工作點滴。昨日母親節，佢就同一眾《伙計辦大事》演員上《開心大綜藝》做直播嘉賓，並且喺IG限時動態直擊現場情況；不過估唔到竟然會引嚟網民私訊攻擊，直指佢好「娘」，甚至傳送MIRROR開騷嘅相畀佢！衛志豪一頭霧水兼嬲爆，上載咗佢同該位網民嘅對話截圖，又打千字文發洩！

衛志豪一嚟就話自己嬲到瞓唔著，指自己母親節原本過得好開心，但就無啦啦畀網民撩㷫，踩佢有份參與嘅《開心大綜藝》老土。同呢位網民講完一大輪之後，對方仲刪除對話，令衛志豪嬲上加嬲，質疑呢位網民係ViuTV嘅工作人員！

衛志豪指自己正日冇陪阿媽而選擇同香港嘅觀眾一齊慶祝母親節，呢個係「做藝人嘅責任」，覺得相當榮幸，表示台前幕後嘅人為咗做好節目花咗好多心血：「我哋嗰部分只係短短幾分鐘嘅嘢，都排咗兩日，更何況一班表演嘅小朋友同埋四位上台又唱又跳嘅媽咪，我都唔知佢哋排咗幾耐！重未計台前幕後同埋幾位司儀！仲有就係……原本冇親眼見到我都唔信，一位冇份演出嘅高層，我兩日綵排都見到佢一早企咗喺度！喺現場睇綵排、畀意見，最後先走嗰隻！佢之前睇咗幾多晚我就唔知嘞！」

衛志豪鬧爆私訊佢嘅網民唔識尊重人，「我唔知我個post有乜嘢得罪你，你以乜嘢身份同我講呢番話？我唔會評價人哋演唱會好唔好睇，我知道做一個演唱會真係唔容易，我以前跟過郭富城、劉德華、陳奕迅、譚詠麟、張學友、黎明等等去做無數次演唱會，係全程報道採訪！我會尊重所有表演者，因為我知道每一個都付出好多！有人叫我幫手買呢個演唱會嘅飛，我都有幫人哋買！呢啲咪尊重。」

衛志豪繼續發炮，指對方可以攻擊佢而唔可以抹煞一個節目背後嘅努力，「個節目我都有份做，你想我畀乜嘢反應你？成個節目嘅人都係我朋友！個個都識十幾年！我哋個節目嘅目的係向母親致敬，請你尊重咁多位母親！」仲話如果有人畀飛佢嘅話，都會去睇MIRROR演唱會，歡迎娛樂圈百花齊放，但最憎人唯恐天下不亂！最後補充呢啲只係佢個人立場，「唔認識呢班後生仔，呢班後生仔都唔會識我」，但都佩服MIRROR並祝佢哋演出成功。

藝人莊思明與楊明拍拖5年，攜手經歷高山低谷，跨越重重難關。目前受官司影響的楊明全面停工，幸運地獲女友義無反顧支持及陪伴。思明不諱言已視男友為終身伴侶，從未有絲毫悔意，亦沒有打算放棄這段感情，更大爆被雙方母親催生B，不排除年內隨時步入教堂。
莊思明形容與楊明的相處，尤其近兩年經歷社會事件及面對輿論壓力，箇中感受只有他們兩個最清楚。問到有否遇到想放棄這段感情的一刻？她爽快答：「冇！因為真係經歷咗好多。有試過覺得好攰嘅，我咪匿喺房冷靜吓，想辦法釋放情緒，跟住就冇嘢嘞！我同自己講，關關難過關關過，人生就係咁㗎啦！（楊明求咗婚？）佢周圍同人講等我求婚，話我要佢等咗咁多年喎！（婚禮今年完成？）未知，真係要睇疫情，人生大事嘛，梗係想至親好友喺齊度見證啦！」
改變自己遷就男友
別人眼中的楊明或許沒甚特別，思明卻視如瑰寶：「我最欣賞佢樂觀、單純、冇機心同孝順。佢唔會諗人有乜唔好，有時隨和到令我忟，好似試過有朋友十幾年冇搵佢，一聯絡就有嘢要幫手甚至借錢，我叫佢了解清楚先，對方係咪輸咗錢、欠大耳窿呢？佢會話番我諗得太多，會冇晒朋友，呢樣可以話係我哋唯一嘅衝突！」就因為對男友的了解及信任，她甘願改變自己作出遷就：「以前如果前面有牆，隔一條街我都提咗佢先，依家我會由得佢，除非佢真係撞埋去啦！」
贏得未來外母歡心
她剛完成新版《十月初五的月光》拍攝，劇中她扮演男主角「初哥哥」胡鴻鈞媽媽的年輕版，令她對生兒育女有所反思：「我好鍾意小朋友，計劃中起碼生兩個，坦白講都開始趕時間嘞，咁生咗又冇理由乜都唔理，淨係顧住做嘢，相信到時我會作出平衡。」她更自爆雙方媽咪一早已抱孫心切：「兩位媽媽都思想前衞，覺得唔結婚唔緊要，最緊要有B，尤其我媽咪見到我養咁多寵物，趁機叫我不如養人仔好過，唔明點解唔催我家姐先。」她坦言這年代「先有後婚」亦不是問題，反而男友性格較傳統。原來楊明早已贏得未來外母歡心，思明透露：「我媽咪好鍾意佢，兩個幾乎每日一電，媽咪反而少搵我。（你呷醋？）又唔會，佢哋相處得好，我仲少啲煩惱，身為長輩最想都係我哋健康同幸福啫。」
雖然戀愛大過天，但思明對事業也不是沒有期盼：「早幾年覺得好煩厭，點解啲人留意花邊新聞仲多過我嘅工作，咁樣好唔公平，其實每次有工作我都好畀心機做，我亦有好好咁裝備自己。舊年我續約，有同公司反映同爭取（機會），但明白近幾年太多新人，唔通仲同啲18、20歲爭咩？但如果你問我係咪想以演員為終生職業，可以嘅話我梗想，話晒係自己興趣嘛。」

【明報OL】2021/01/21. 發財立品｜阮兆祥讚成龍環保先鋒 黎耀祥玩心理測驗泄密

阮兆祥及黎耀祥於兩人主持的清談節目《雙祥見》，分享自己的經歷及趣談，今集便談及「上岸」的由來及各自的看法。阮兆祥認為發財立品，令他最為印象深刻的，其中一位圈中人是成龍，因為即使現時名成利就，仍身體力行繼續拍攝不少電影，並非常注重環保。

事源成龍曾於沙漠拍戲，水源對於極端地帶拍攝十分重要，但幾天下來，成龍發現拍攝組已使用了好幾千個膠樽，他覺得浪費，更對環境構成影響，於是豪花上千萬元，訂購一部超大型循環再造車，把所有廢置的膠樽都放進去設置好的機器內處理並加工，成為新的瓷磚，實行廢物利用。

除了金錢富足，阮兆祥認為心靈上的滿足，也算是「上岸」一族條件之一，陳茵媺便是圈中佼佼者，她嫁給陳豪後便醉心照顧家庭，他每次見到茵媺如此幸福，也為她感到高興。

及後至心理測驗部分，黎耀祥的選擇顯示是認真正直型，他也十分認同，因為自己是比較喜歡穩定事情，害怕波動，而且非常完美主義：「我要求好高，只要做一件事我一定要做好。有時如果做得唔好，我會怪自己，反而唔會怪人，而係會問自己點解做得唔好。所以我有時諗多咗，連瞓覺都瞓得唔好，瞓得唔好就會再諗。」

黎耀祥表示自己是住家男人，因為他在家中排行最小，最遲入學，於是媽媽無論到街市買菜，還是在家中煮飯，也帶他在身邊，所以從小就喜歡做家務，閒時也愛在家中煮飯。阮兆祥問如果調轉他做住家男人，老婆外出工作掙錢會否答應？黎耀祥笑言一直希望太太外出工作，但卻成不了事，希望有一天可以推動到她！

#黎耀祥##雙祥見##阮兆祥##黎耀祥Wayne[超话]##黎耀祥[超话]#