༄༅༎༼ སྡེ་པ་གཞུང་གི་ལོ་རྒྱུས་ཉིན་བྱེད་སྣང་བ། ༽ ཞེས་པའི་ནང་ཕྱི་ལོའི་དུས་རབས་བཅུ་བདུན་ནས་བཅོ་བརྒྱད་ནང་ཚུན་གྱི་མདོ་དབུས་མཐོ་སྒང་གི་སྤྱི་ཚོགས་གནས་བབ་དང་། ཆབ་སྲིད་ཀྱི་གནས་སྟངས། བོད་སོག་ཆོས་སྲིད་ཀྱི་འགལ་འབྲེལ། བཀའ་དགེ་གྲུབ་མཐའ་དབར་གྱི་རྩོད་ཉོག ཆིང་རྒྱལ་རབས་གོང་མའི་སྲིད་གཞུང་གིས་བདག་དམ་སྟངས་འཛིན་བྱེད་ཐབས་སོགས་ལ་ཞིབ་འཇུག་དཔྱད་འཇོག་གནང་འདུག སྷག་པར་དུ་ཕྱི་ལོ་༡༦༤༢ལོར་གུ་ཤྲི་བསྟན་འཛིན་ཆོས་རྒྱལ་གྱིས་མཚོན་པའི་སོག་པོའི་དམག་སྲིད་སྟོབས་ཤུགས་དང་ལྔ་པ་ཆེན་པོས་མཚོན་པའི་དགེ་ལུགས་པའི་དགོན་སྡེའི་ཚོགས་ཁག་གི་ཆོས་ལུགས་སྟོབས་ཤུགས་གཉིས་མཉམ་འབྲེལ་ཐོག་བཙུགས་པའི་གཞུང་ས་དགའ་ལྡན་ཕོ་བྲང་སྲིད་དབང་གི་ངོ་བོ་རང་བཞིན་དང་།མི་ལོ་༨༠རིང་གི་ཚུགས་ལུགས་ཇི་ལྟར་རྒྱས་ཚུལ། ལུགས་གཉིས་ཀྱི་མ་ལག་སྒྲིག་གཞི་འཛུགས་སྐྱོང་། དེ་བཞིན་བོད་སོག་ཕྱོགས་གཉིས་པོའི་འགལ་བའི་འཕེལ་རིམ་དང་དེའི་རྩ་བའི་རྒྱུ་རྐྱེན་སོགས་ལ་དཔྱད་པ་གཏིང་ཚུགས་པ་གནང་འདུགསྐབས་དེའི་འགལ་བ་སྣ་འདུས་ཀྱི་སྤྱི་ཚོགས་གནས་སྟངས་དང་དུས་ཀྱི་ཡོ་ལང་འགྱུར་ལྡོག་ཁྲོད་ནས་བསམ་གཞིག་དང་ཐེ་ཚོམ་གྱི་གནད་མང་དག་ཞིག་ལ་འདྲི་རྟགས་འཆར་འོང་ཞིང་། དེ་དང་འདིའོ་སྙམས་པའི་ངེས་རྟོགས་ཀྱང་ཟབ་མོ་སྐྱེས། དེ་མིན་ཞོར་དུ་ཚངས་མགུར་དང་འབྲེལ་བའི་སྐབས་དེའི་སྤྱི་ཚོགས་ཀྱི་རྒྱབ་ལྗོངས་ཇི་འདྲ་ཡིན་པར་རྒྱུས་ལོན་དང་མཐོང་སྣེ་གསར་པའང་སྐྱེས་ཐུབ་པར་ངེས།
༄༅༎རབ་རྒྱན་ལྕགས་བྱི་ལོའི་བོད་ཟླ་ལྔ་བའི་ཚེས་ཉེར་གཅིག་ནི་གངས་ལྗོངས་མ་ཎི་སྨོན་ལམ་ཆེན་མོ་འཚོགས་པའི་དུས་ཚིགས་ཡིན་ཡང་། ནད་ཡམས་འགོག་སྲུང་དང་རང་གཞན་བདེ་འཇགས་ཀྱི་ཆེད་དུ་ཕྱིར་འགྱངས་བྱེད་དགོས་བྱུང་། ད་ལོར་གངས་ལྗོངས་མ་ཎི་སྨོན་ལམ་ཆེན་མོའི་དུས་ཚེས་དང་འབྲེལ་ཨ་མདོ་སེང་ཁྲི་དགོན་པའི་མཁན་སྤྲུལ་དགེ་འདུན་འདུས་པ་ཡོངས་ཀྱིས་ཕུན་སུམ་ཚོགས་པའི་རྟེན་འབྲེལ་ལེགས་པར་བསྒྲིགས་ཏེ་ཐུགས་བསྐྱེད་རྣམ་པར་དག་པས་དབུ་འཛིན་མཛད་པ་དང་། ད་རེས་ཉིན་བདུན་གྱི་ཡུན་ལ་ཕྱོགས་སོ་སོ་ནས་བསྒྲུབས་པའི་དགེ་བའི་རྩ་བ་རྣམས་གཅིག་ཏུ་བསྡུས་ཤིང་བསྡོམས་ནས་༧སྐྱབས་རྗེ་བླ་མ་རིན་པོ་ཆེ་མཆོག་གི་ཐུགས་དགོངས་ཡོངས་སུ་རྫོགས་ཏེ་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ་དང་བསྟན་འཛིན་སྐྱེས་བུ་དམ་པ་རྣམས་ཀྱི་སྐུ་ཚེ་བསྐལ་བ་རྒྱ་མཚོར་བརྟན་ཅིང་ཐུགས་བཞེད་མཐའ་དག་ཀེགས་མེད་ཡིད་བཞིན་དུ་འགྲུབ་ཅིང་ཡངས་པའི་རྒྱལ་ཁམས་ཀུན་ཏུ་ནད་མུག་འཁྲུག་རྩོད་དང་འབྱུང་བཞིའི་གནོད་འཚེ་མཐའ་དག་ཞི་ཞིང་གནས་སྐབས་བདེ་སྐྱིད་རྫོགས་ལྡན་ཀྱི་དཔལ་ལ་ལོངས་སྤྱོད་དེ་མཐར་ཐུག་སངས་རྒྱས་ཀྱི་གོ་འཕང་རིན་པོ་ཆེ་ཐོབ་ཕྱིར་བསྔོ་བ་སྨོན་ལམ་རྣམ་དག་གིས་མཐའ་བརྒྱན་པ་ལགས་ན། དད་ལྡན་ཆོས་འབངས་ཡོངས་ནས་རྗེས་སུ་ཡི་རང་གནང་བར་ཞུ་ཞུ། https://t.cn/R2WxDVJ
༄༅༎མེ་ཏོག་རྐང་དེའི་ཆེད་དུ་ངས་དངུལ་ཆུའི་ཐུག་པ་གང་མང་མང་ཞིག་རི་གྲོང་གི་སྲང་ལམ་དུ་བཏབས་ཡོད། དེ་བཞིན་དུ་མཛེས་སྡུག་འདི་ཚོའི་ཆེད་དུའང་ངའི་ཉིན་རེ་རེའི་མི་ཚེའི་གྲུབ་ཆ་བརྒྱ་ཆའི་མང་ཤས་ཤིག་ཀྱང་ཅི་མ་སྙམ་པར་བཏང་སྐད་ཡོད།རེད་དེ། ཁྱེད་ཅག་གི་མཁོ་འདོན་དང་ཡིད་ཆེས་བརྟན་པོས། ངས་འཇོན་ངས་ཐུབ་ཅེས་པའི་སྤོབས་སེམས་མཁྲེགས་པོ་ཞིག་བསྩལ་མྱོང་བས། ང་རང་གསོན་པས་མཛེས་སྡུག་ཞིག་འགྲེམས་སྟོན་བྱ་བའི་ཆེད་དུ་དམིགས་ཞེས་བརྗོད་གྱིན་ཉིན་རེ་ནས་ཉིན་རེར་ང་རང་སྔ་མོ་ནས་ལང་ནས་ཡར་ལྷ་ཤམ་པོའི་འཛུམ་མདངས་ཏེ་གསོ་སྲིད།༼ ཟླ་བ་བདུན་པའི་བུ་ཆུང་ཕོ་ལོ་ཉེར་གཅིག་ལ་སོན་ཡོད།༽ 21
✋热门推荐