༄༅༎ ང་ཚོ་ནི་སྡོད་མི་ཚུགས་པར་གང་སར་གཡེང་བར་དགའ། ལས་ཀ་གྲོལ་རྗེས་དང་ཟ་མ་ཟོས་རྗེས། ལ་ལ་ཆང་ཁང་དུ་སོང་ནས་རང་སེམས་ཀྱི་དྲན་གདུང་དེ་དག་གསོ་བ་ལ་བཟི་བར་འབད་ཅིང་། ལ་ལ་གླུ་ཁང་དུ་སོང་ནས་དེ་ལྟར་བདེ་སྐྱིད་ཅིག་ཐོབ་ཐབས་ལ་འབད་དཔེ། ཡང་ལ་ལ་རི་ཁ་དང་གཙང་འགྲམ་ཏུ་ཉུལ་ནས་སྤྲོ་གསེང་གཏོང་བར་རེ། ཁོ་བོ་ནི་ཕྱི་མའི་རིགས་ལ་གཏོགས་པ་ཞིག་ཡིན་ཚོད་འདུག གང་ལྟར། མེ་ཏོག་དང་གཙང་པོ། ནགས་ཚལ་དང་རྩྭ་ཐང་ནས་ང་དང་རང་བྱུང་གི་དུས་ཆད་བགོས་བ་དང་འདྲ་བར། ནམ་རྒྱུན་ང་རང་གྲོང་མཐའ་དང་ཡུལ་་མཚམས་སུ་བྲོས་ནས། རང་བྱུང་གི་པང་ནས་ཅི་ཡང་མི་སྨྲ་བར་མིག་ཟུང་བཙུམ་ཏེ། ཁམས་ཆེན་མོའི་སྙན་དབྱངས་དང་དྲི་བསུང་ལ་རོལ་བར་དཔེ་མེད་ཅིག་དགའ། དེ་བཞིན་དེ་རིང་ཡང་མཛའ་གཞས་གྲོང་གི་ལྷོ་ཕྱོགས་ཀྱི་རྡོ་རྗེ་བྲག་དགོན་ནས། ཡར་རི་ངོགས་སུ་ཅུང་འཛེག་སའི་ལྷ་མོ་རྩེ་དགོན་གྱི་གཡོན་ཕྱོགས་ཀྱི་རི་ངོས་སུ་སྤང་ཐང་ཆུང་ངུ་ཞིག་ནས། དེ་ལྟར་བསྡད་ཤིང་ཞོར་དུ་མཁན་ཚུལ་བློ་ལགས་ཀྱིས་རང་བྱུང་རིག་གནས་སྐོར་ཀྱི་གསུང་མཛད་གནང་བའི་སྒྲ་ཐག་ཅིག་ཀྱང་ཞུ་ཐུབ་སོང་བའི་སྤྲོ་བའི་དགེ་བ་འཕེལ་བར་ཤོག་ཅིག
#微博[超话]# ༄༅། །རྨོངས་པའི་རྒྱུ་ནི། གྲོགས་ངན་པ་བསྟེན་པ་དང་ལེ་ལོ་དང་སྙོམས་ལས་དང་གཉིད་ཆེ་བ་དང་སོ་སོར་རྟོག་ཅིང་དཔྱོད་པ་ལ་མི་དགའ་བ་དང་། རྒྱ་ཆེན་པོ་ལ་མི་མོས་པ་དང༌། མི་ཤེས་བཞིན་དུ་ཤེས་སོ་སྙམ་པའི་ང་རྒྱལ་དང་། ལོག་ལྟ་ཆེ་བ་དང་བདག་འདྲ་བས་མི་ནུས་སྙམ་དུ་ཞུམ་ནས་མཁས་པ་བསྟེན་པ་ལ་མི་དགའ་བ་ཡིན་དེ་དག་ཡིན་ནོ།།
༄དཀོན་མཆོག་གསུམ་ལ་སྐྱབས་སུ་འགྲོ་བའི་མི་རྣམས་ཀྱི་མི་ཚེའི་བླང་དོར་གྱི་བསླབ་བྱ་མཁས་དབང་དགེ་ཆོས་ཀྱི་གཏམ་རྒྱུད་གསེར་ཐང་ལས།བསྟན་པ་ཕྱི་དར་གྱི་ཐོག་མའི་དགོན་སྡེ་རྒྱལ་ལྷ་ཁང་གི་སྒོར་རྡོ་རིང་གི་ཤར་ངོས་ན་སྤྱི་དེང་སང་གི་དུས་དགེ་བ་ལ་བློ་གཅིག་ལེགས་པ་ལ་གྲོས་མཐུན་པ་ནི་ཉུང་ན་འོ་ན་ཡང་དཀོན་མཆོག་གསུམ་ལ་སྐྱབས་སུ་འགྲོ་བའི་མྱི་རྣམས་ཀྱིས་ནི། ལྷར་སངས་རྒྱས་བཟུང་།གྲོས་ཕུགས་ཆོས་ལ་གཏོད།གཙོར་ལྟ་བ་སྦྱང་།ཆིག་སྤྱོད་རྣལ་དུ་དབབ།འཚོ་བ་གཙང་མར་བསྒྲུབ།བྱེད་དགུ་ཆོས་ལ་སྦྱར།སྤྱི་གྲོས་གཅིག་ཏུ་བཟླུམ།སྒོ་གཉེར་སོ་སོར་བླང་།ངན་གྲོས་དགག་ཏུ་དབྱུང་།བདེན་གཏམ་དང་དུ་བླང་།འདིར་བཅུ་བྱས་ན་།ཚེ་འདི་དང་ཕྱི་མ་གཉིས་གར་བདེ་བར་འགྱུར་བས་ཚིག་བཅུ་པོ་འདི་་་་་་་་ཡིད་ལ་མ་བརྗེད་པར་བཟུང་།
✋热门推荐