ཕྱི་ལྟར་སྤྱོད་པ་མཁན་ཆེན་ཞི་བ་འཚོ། །
谢德学巴堪钦意瓦措
外视行是功德寂静相
ནང་ལྟར་ལྟ་བ་དཔལ་མགོན་ཀླུ་སྒྲུབ་རྗེ། །
郎德达瓦华贡勒主洁
内则见是无比龙树尊
གསང་བ་གུ་རུ་མཚོ་སྐྱེས་རྡོ་རྗེ་དངོས། །
桑瓦格日措吉多杰哦
密意修是莲花生大师
འཇམ་དབྱངས་ཤེས་རབ་རྒྱལ་མཚན་ལ་གསོལ་འདེབས། །
伽央谢拉坚赞拉索瓦德
祈请文殊智慧宝幢礼
ཨོཾ་ཨཿགུ་རུ་པྲཛྙཱ་དྷྭ་ཛ་སརྦ་སིདྡྷི་ཧཱུཾཿ
嗡啊 格日 札加 多扎 萨尔瓦  色德  吽
​ཨོཾ་ཨཿགུ་རུ་པྲཛྙཱ་དྷྭ་ཛ་སརྦ་སིདྡྷི་ཧཱུཾཿ
嗡啊 格日 札加 多扎 萨尔瓦  色德  吽
​ཨོཾ་ཨཿགུ་རུ་པྲཛྙཱ་དྷྭ་ཛ་སརྦ་སིདྡྷི་ཧཱུཾཿ
嗡啊 格日 札加 多扎 萨尔瓦  色德  吽
​
​特别的日子
​特别的思念
​特别的祈愿
​～～～ https://t.cn/R2WxuoH

࿑ཁ་བའི་རྡུལ་འཚུབ་རྒོད་པའི་མཚན་གཞུང་འདིར་བརྟགས་ན།།
སྐྱེ་བོ་གང་ཞིག་མི་འདོད་འཆི་བདག་གི་དྲུང་དུ།།
ཕལ་ཆེར་འགྲོ་བའི་སྐྱེལ་མ་ཨེ་ཡིན་རང་དོགས་ཏེ།།
གཉིད་ཀྱི་ཏིང་འཛིན་བསྒོམ་པའི་སྐལ་བ་དེ་ཆད་སོང་།།

ལུས་ཀྱི་མགྲོན་ཁང་སླེབས་པའི་རྣམ་ཤེས་ཀྱི་མགྲོན་པོ།།
འཁོར་བའི་ལམ་ཆེན་དེད་དེ་ངེས་མེད་ངང་འཁྱམ་ན།།
ངལ་གསོའི་བསྟི་གནས་རུང་བའི་མཐོ་རིས་ཀྱི་ཁང་བཟང་།།
ཡང་དང་བསྐྱར་དུ་རྙེད་པའི་སྨོན་འདུན་ཞིག་ཞུས་སོ།། ༢༠༢༢\ ༣\ ༣༠\ ཉིན་རྨ་པྲཛྙཱ་ནས།

༼ཆེས་སྤྱིར་བཏང་གི་སྤྱོད་ཚུལ་ཞིག༽

࿑བརྗོད་བྱའི་སྙིང་བོ་དང་།།
རྗོད་བྱེད་ཚིག་གི་ཚོགས།།
གཉིས་ཀ་དབེན་པ་ཡི།།
སྨྱོན་པའི་གཏམ་བཞིན་སྨྲ།།

རྒྱུ་རྐྱེན་འཛོམས་པོ་མེད་པར།།
མཐོ་དམའ་མཉམ་གསུམ་དག་ལ།།
མཛུབ་མོ་ཀེར་ཏེ་འཕྱ་བ།།
སོ་སྐྱེའི་ང་ཚོའི་ཁྱད་ཆོས།།

འཕྲད་མ་ཐག་ཏུ་བརྩེ་བའི་གདོང་།།
མུན་འཇོམས་དབྱིངས་ནས་ཤར་གྱུར་ཏེ།།
ཚེམས་ཕྲེང་ཀུ་མུད་བཞད་བཞིན་དུ།།
ཆགས་པའི་དཔལ་ཡང་ཅི་དགར་སྟེར།།

ཡུན་རིང་འགྲོགས་པའི་སྐལ་བ་ལྡན་ན།།
གཟུགས་མེད་འབྲེལ་བ་བྱེ་མའི་ཁང་བུ།།
ཕྱི་རོལ་འབྱུང་བཞིའི་རྐྱེན་རྣམས་མ་འཁྲིགས།།
འོན་ཏེ་འཇིག་པའི་ཆོས་སུ་འགྱུར་འགྲོ།།

༢༠༢༢\ ༣\ ༢༢\ ཉིན་རྨ་པྲཛྙཱ་ནས།